Xaricdə təhsil alan tələbələr işə imtahansız qəbul olunacaqlar

Hazırda xaricdə təhsil alıb ölkəyə qayıdan kifayət qədər gənc var. Təəssüf ki, bir sıra təşkilatlar və şirkətlər bu gənclərin Avropa dəyərlərini qavramış kadr kimi işə cəlb edilməsində maraqlı deyillər. Buna görə də, bir çox gənc təhsilini başa vurduqdan sonra Avropadan qayıtmır. Ancaq qanunvericiliyə edilən son dəyişikliklər bu problemin aradan qalxmasına şərait yaradır.

Gemi.az Oxu.az-a istinadən xəbər verir ki, bundan sonra Azərbaycanda dövlət proqramı çərçivəsində xarici ölkələrin ali məktəblərində təhsil almış gənclərin dövlət qulluğuna qəbulu test imtahanı və müsahibə əsasında aparılmayacaq. Çünki həmin gənclər dövlət qulluğuna qəbul edilərkən staj və sınaq müddəti tətbiq edilir.