Xarici diplomların tanınması ilə bağlı Təhsil Nazirliyindən açıqlama verildi
Təhsil Nazirliyinin Akkreditasiya və Nostrifikasiya İdarəsi diplomların Azərbaycanda tanınması ilə bağlı açıqlama verib.
Gemi.az-ın məlumatına görə, açıqlamada deyilir:
Son günlər bir neçə saytda yanlış olaraq Azərbaycan Respublikasında diplomları tanınan ölkə universitetlərinin siyahısı qeyd olunub. Bu tamamilə yanlış siyahıdır.
Əgər ali təhsil müəssisəsi fəaliyyət göstərməsi üçün bütün zəruri sənədlərə malikdirsə və verdiyi təhsil sənədi fəaliyyət göstərdiyi ölkə tərəfindən tanınırsa, Azərbaycan Respublikası da həmin təhsil müəssisəsini tanıyır.
Əlavə olaraq bildiririk ki, Təhsil Nazirliyinin Akkreditasiya və Nostrifikasiya İdarəsinin rəsmi internet səhifəsinə (www.nostrifikasiya.edu.az) daxil olmaqla ENİC-NARİC bölməsindən ölkə ərazisində tanınan ali təhsil müəssisələrinin siyahısını əldə edə bilərsiniz.
Diplomları Azərbaycanda tanınan universitetlərin siyahısı ilə aşağıdakı linkdə tanış ola bilərsiz: