Gənc jurnalistlər üçün yeni layihəyə başlanılıb

 “Gənc jurnalistlərin Maraq klubu və hüquqi maarifləndirilməsi” layihəsinə başlanılıb.

Gemi.az xəbər verir ki, bu barədə Oxu.Az-a “ASAN xidmət”dən verilən məlumata görə, layihənin ilk günündə hüquqşünas Tağı Tağızadə və media eksperti Elvin Şirinlitərəfindən ilkin təlimlər keçirilib. 

Jurnalistlərə hüquqi mövzunun işıqlandırılmasındakı müasir meyillər barədə məlumat verilib və Azərbaycanda qanunvericilik və təcrübədə tətbiqi ilə bağlı məsələlərə toxunulub.

“Gənc jurnalistlərin Maraq klubu və hüquqi maarifləndirilməsi” Sona Tağıyevanın fərdi layihəsi olaraq, Azərbaycan Respublikasının Prezidenti yanında Gənclər Fondunun maliyyə və “ASAN Könüllüləri” təşkilatının təşkilatı dəstəyi ilə həyata keçirilir.

Qeyd edək ki, növbəti təlim şənbə günü saat 10:00-da “Çıraq Plaza”da baş tutacaq.