Azərbaycanın müstəqillik günü Nyu-Yorkda qeyd edilib
Azərbaycanın dövlət müstəqilliyinin 25-ci ildönümü Nyu-Yorkda qeyd edilib.
Gemi.az xəbər verir ki, bu barədə diasporla İş üzrə Dövlət Komitəsinin mətbuat xidmətindən Apa-ya verilən məlumata görə, şəhərin “Bowling Green” parkında keçirilən tədbir Nyu-York Azərbaycanlıları Assosiasiyasının tərəfindən təşkil olunub.
Tədbirdə ABŞ-dakı Azərbaycan və türk diaspor təşkilatlarının nümayəndələri iştirak ediblər.
ABŞ-ın və Azərbaycanın dövlət himnlərinin səsləndikdən sonra Nyu-York Azərbaycanlıları Assosiasiyasının rəhbəri Ercan Yerdələnli və təşkilatın vitse-prezidenti Zəminə Mirhadıyeva çıxış edərək Azərbaycanın müstəqilliyinin bərpasının 25 illiyinin ABŞ-da qeyd olunmasının önəmini vurğulayıblar.
“Bowling Green” parkında keçirilən bayram tədbirində Azərbaycanın dövlət bayrağı ucaldılıb.