2015-2016-cı tədris ilinin əvvəlində xarici ölkələrin ali təhsil müəssisələrində dövlət xətti ilə ən çox tələbə Türkiyə (907), Böyük Britaniya (621), Almaniya (316), Rusiya (247), Kanada (195), Niderlandda (139) təhsil alıb.
Gemi.az "Report"-a istinadən xəbər verir ki, bu barədə Dövlət Statistika Komitəsindən məlumat verilib. Qeyd olunan tədris ilində əcnəbi ölkələrdə dövlət xətti ilə təhsil alan tələbələrin sayı 2998 nəfər olub. Onlardan 320-si MDB, 2678 nəfəri digər ölkələrin payına düşür.
Bundan başqa, tələbələr Belarusda 36, İsveçrədə 82, Ukraynda 37, ABŞ-da 57, Avstriyada 29, Avstraliyada 72, Çində 39, Fransada 54, Çexiyada 19 və s. ölkələrdə təhsil alıb.
Daha ətraflı
Oksford lüğəti ilin sözünü açıqlayıb.
Bu barədə "Oxford University Press" agentliyi yaızb.
Məlumatda bildirlir ki, açıqlanan söz "post-truth"dır (posthəqiqət).
Həmçinin məlumatda qeyd edilir ki, bu söz əsasən ictimai rəyin yanında obyektiv faktların əhəmiyyətsiz olduğunu göstərir.
Daha ətraflı
Kiyevdə IV Ümumukrayna Azərbaycanlıları Forumunun keçirilməsi planlaşdırılıb.
Gemi.az xəbər verir ki, bu barədə Ukrayna Azərbaycanlıları Birləşmiş Diasporundan (UABD) APA-ya verilən məlumata görə, Ukraynanın bütün regionlarında yaşayan azərbaycanlıların da təmsil olunacağı forumda Azərbaycan və Ukraynadan dövlət və hökumət nümayəndələri, deputatlar, siyasətçilər və bu ölkədə yaşayan milli azlıqlara məxsus təşkilat rəhbərlərinin qatılması nəzərdə tutulub.
Daha ətraflı
"Azərbaycanın Ermənistan tərəfindən işğal olunmuş ərazilərində yaradılmış qondarma rejimin təbliği məqsədilə 16-19 noyabr 2016-cı il tarixində Brüsseldə keçirilməsi nəzərdə tutulan təxribatçı tədbirlərin qarşısının alınması üçün Azərbaycan Respublikasının Belçika Krallığındakı səfirliyi tərəfindən zəruri önləyici tədbirlər həyata keçirilib. Belçikada fəaliyyət göstərən Azərbaycan diaspora təşkilatları da bu işdə yaxından iştirak edib".
Gemi.az xəbər verir ki, bunu Apa-ya açıqlamasında Xarici İşlər Nazirliyinin mətbuat xidmətinin rəhbəri Hikmət Hacıyev deyib.
Daha ətraflı
ABŞ-ın Federal Ehtiyatlar Sisteminin (Federal Reserve System, FED) dekabrın 13-14-də baş tutacağı növbəti iclasında uçot dərəcəsinin artırılmasının tərəfdarıyam.
Gemi.az "APA-Economics" istinadən xəbər verir ki, bunu ABŞ-ın Seynt Luis ştatının Federal Ehtiyyat Bankının prezidenti Ceyms Bullard bildirib.
"İnflyasiyanın çox yüksələcəyini indidən demək çox tezdir. Bazarlar dekabr toplantısında uçot dərəcəsinin artırılması ehtimalını yüksək qiymətləndirir. Mən də buna müsbət baxıram. 2017-ci ildə nə baş verəcəyi məlum deyil və bizi düşündürür", - deyə FED-in iclaslarında səsvermə hüququ olan C. Bullard bildirib.
Daha ətraflı
“Dağlıq Qarabağ münaqişəsinin həll prosesinin necə inkişaf edəcəyini Allah da bilmir, mən necə bilə bilərəm?"
Gemi.az-ın Apa-ya istinadən xəbərinə görə, bunu ATƏT-in Minsk qrupunun keçmiş həmsədri, ABŞ-ın Azərbaycandakı sabiq səfiri Metyu Brayza deyib.
O qeyd edib ki, ABŞ-ın yeni prezidenti Donald Tramp sülh haqqında fikirləşsə, Dağlıq Qarabağ münaqişəsi həlli istiqamətində irəliləyişə nail olmaq olar: “Lakin biz bilmirik yeni prezidentin başında nə var və o nə düşünür”.
“Prezidentlər və xarici işlər nazirlər görüşmədikləri halda münaqişə dinc yolla həll oluna bilməz”, - deyə M. Brayza qeyd edib.
Daha ətraflı
