12 avqust - Beynəlxalq Gənclər Günüdür.
Gənclər üçün Təhsil Mərkəzi və Qan Donorları Assosiasiyası bir araya gələrək gənclərə öz sevgisini sərhədsiz etməyə və irsi qan xəstəliklərindən əziyyət çəkən uşaqlar üçün keçiriləcək təmənnasız qan vermə aksiyasına qatılmağa dəvət edir.
Aksiya 12 avqust 2016-cı il saat 10:00-da Mərkəzi Qan Bankında (Nəsimi Bazarının yanı) keçiriləcəkdir.
Ali təhsil müəssisələrinin müsabiqəsində iştirak etmək üçün abituriyentlərin ixtisas seçimi bu gün başa çatacaq.
Gemi.az xəbər verir ki, bu barədə TQDK-dan XəzərXəbər-ə bildiriblər ki, 10 avqust saat 11:30-a olan məlumata görə 37700 abituriyent qəbul olmaq istədiyi ixtisasları öz elektron ərizəsinə daxil edərək təsdiqləyib. 640 abituriyent isə ixtisasları qeyd etməsinə baxmayaraq, ərizəsini təsdiq etməyib.
Avqustun 8-də Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putini evinə çay süfrəsinə dəvət edib.
Prezidentlər çay süfrəsi arxasında səmimi söhbət ediblər.
Dövlət başçıları söhbət zamanı Bakıda Azərbaycan, İran və Rusiya prezidentlərinin üçtərəfli Zirvə görüşünün çox uğurla başa çatdığını məmnunluqla qeyd edib, bu tədbirin ölkələrimiz arasında və regionda əməkdaşlığın gücləndirilməsi, əlaqələrin daha da inkişaf etdirilməsi baxımından önəmli rol oynayacağına əminliklərini bildiriblər.
9 illik təhsil bazasında orta ixtisas təhsili müəssisələrinin boş qalan plan yerlərinə keçirilmiş müsabiqənin nəticələri elan olunub.
Gemi.az xəbər verir ki, bu barədə Tələbə Qəbulu üzrə Dövlət Komissiyasından Trend-ə verilən məlumata görə, 2016/2017-ci tədris ili üçün ümumi orta təhsil bazasında (9 illik) orta ixtisas təhsili müəssisələrinin boş qalan plan yerlərinə müsabiqənin nəticələrini avqustun 9-da elan edib.
Abituriyentlər müsabiqənin nəticələrini TQDK-nın internet səhifəsindən və ya mobil telefonla iş nömrələrini 7727 nömrəsinə göndərməklə öyrənə bilərlər.
Bu gün Bakıda Azərbaycan, Rusiya və İran prezidentlərinin üçtərəfli formatda sammiti keçiriləcək.
Gemi.az-ın Apa-ya istinadən verdiyi məlumatına görə, artıq İran prezidenti Həsən Ruhani ötən gündən Azərbaycanda səfərdədir.
Rusiya prezidenti Vladimir Putinin bu gün Azərbaycana gəlməsi gözlənilir.
