Daha ətraflı

“Artıq bu vaxta kimi 21 915 abituriyent ali təhsil müəssisələrinə ixtisas seçimi edib. Onlardan 19 852-si Azərbaycan, 2063-ü isə rus bölməsinin məzunlarıdır”.

Gemi.az xəbər verir ki, bunu Tələbə Qəbulu üzrə Dövlət Komissiyasından APA-nın sorğusuna verilən cavabda bildirilib.

Qeyd olunub ki, ixtisas seçimi edənlər arasında I ixtisas qrupunun abituriyentləri üstünlük təşkil edir. Belə ki, I qrup üzrə 8079, II qrup üzrə 6149, III qrup üzrə 5698, IV qrup üzrə isə 1989 abituriyent ixtisas seçimi edərək təhsil alacağı ali məktəbi müəyyənləşdirib.

  Azərbaycan Prezidenti İlham Əliyev bu gün “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planı”nın icrası ilə əlaqədar bəzi məsələlər haqqında sərəncam imzalayıb.

Gemi.az Trend-ə istinadən məlumat verir ki, sərəncama əsasən, “Ən yaxşı ümumi təhsil müəssisəsi və ən yaxşı müəllim mükafatlarının təsis edilməsi haqqında” sərəncam ləğv edilib. Ən yaxşı ümumi təhsil müəssisəsi və ən yaxşı müəllim mükafatları üçün Azərbaycan Respublikasının dövlət büdcəsində hər il üzrə nəzərdə tutulan vəsait hər il təhsildə inkişaf və innovasiyalar üzrə qrant layihələrinin həyata keçirilməsinə yönəldiləcək.

Avropa İttifaqı (Aİ) Şurası İsveçrədən bu quruma üzv olmasını nəzərdə tutan və 1992-ci ildə təqdim edilən ərizəsinin geri götürülməsi haqqında rəsmi bildiriş alıb.

Trend RİA Novosti-yə istinadən xəbər verir ki, bu barədə Aİ Şurasından məlumat verilib.

Bildirilir ki, İsveçrənin 24 il əvvəl təqdim edilmiş ərizəsinin geri götürülməsi haqqında bildiriş Şuraya ötən həftə daxil olub.

Tələbə Qəbulu üzrə Dövlət Komissiyası (TQDK) ümumi orta təhsil bazasında orta ixtisas təhsili müəssisələrinin boş qalan yerləri üzrə avqustun 2-dən avqustun 8‑dək internet vasitəsilə ixtisas seçimi elan edir.

Gemi.az Deyerler.org-a istinadən verdiyi məlumata görə, komissiyadan verilən xəbərə görə, ixtisas seçiminə ümumi balı 16-dan və hər bir fənn üzrə balı 8-dən az olmayan və orta ixtisas təhsili müəssisələrinə qəbul olmayan və ya qəbul olduğu təhsil müəssisəsində müəyyən olunmuş vaxtda qeydiyyatdan keçməyən abituriyentlər buraxılır. İmtahan nəticələrinə görə orta ixtisas təhsili müəssisələrinə qəbul olub qeydiyyatdan keçən abituriyentlərin boş qalan yerlərə keçirilən müsabiqədə iştirak etmək hüququ yoxdur.

İxtisas seçmək hüququ olan abituriyent orta ixtisas təhsili müəssisələrinin dövlət hesabına və ödənişli əsaslarla olan 12-yə qədər ixtisas kodunu seçib www.eservices.tqdk.gov.az/erizetex/ixtisas2 internet ünvanında yerləşən “Abituriyentin elektron ixtisas seçimi ərizəsi”ni doldurmalı və təsdiqləməlidir.

Daha ətraflı

Daha ətraflı

"Dövlət İmtahan Mərkəzinin Təhsil Nazirliyinə təqdim etdiyi ilkin məlumata əsasən, 2016-2017-ci tədris ili üçün I-IV ixtisas qrupları üzrə qəbul imtahanlarının nəticələri məlum olub". Gemi.az məlumat verir ki, bu barədə Təhsil Nazirliyindən Apa-ya verilən xəbərə görə, 2016-2017-ci tədris ili üçün I-IV ixtisas qrupları üzrə qəbul imtahanlarında 78 545 abituriyent iştirak edib. İmtahanlarda iştirak edən abituriyentlərin qruplar üzrə sayı I ixtisas qrupu  üzrə 31 397, II ixtisas qrupu üzrə 22 135, II ixtisas qrupu üzrə 19 673, IV ixtisas qrupu üzrə 5 340 nəfər olub.

   Bu il Azərbaycanda I-IV ixtisas qrupları üzrə ali məktəblərə keçirilən qəbul imtahanlarında 200 baldan aşağı nəticə göstərərək müsabiqədən keçə bilməyən abituriyentlərin sayı açıqlanıb.

Gemi.az xəbər verir ki, Apa-nın apardığı araşdırma nəticəsində məlum olub ki, bu il hər dörd qrup üzrə keçirilən qəbul imtahanlarında  78545 abituriyent iştirak edib və onlardan 34 385-i 200 və daha yuxarı bal toplayaraq müsabiqədə iştirak etmək imtahanı qazanıb. 44 160 nəfəri isə 0-200 bal arası nəticə göstərərək imtahandan kəsilib. Bu da imtahanda iştirak edən abituriyentlərin 56%-dən çoxunu təşkil edir.